Yevlax sakini həmyerlisini bıçaqladı

Yevlax şəhərində bıçaqlanma hadisəsi baş verib.

Yevlax rayon Polis Şöbəsindən Teleqraf.com-a verilən məlumata görə, şəhər sakini Yaşar Əlizadə münaqişə zəminində həmyerlisi Elxan Hüseynova bıçaqla xəsarət yetirib.

Polis əməkdaşlarının həyata keçirdikləri əməliyyat-axtarış tədbirləri nəticəsində Yaşar Əlizadə tutulub. İlkin dindirilmə zamanı Yaşar Əlizadə törətdiyi cinayəti etiraf edib. O, hadisənin şəxsi münasibətlər zəminində baş verdiyini deyib.

Faktla bağlı cinayət işi başlanıb.

Hacı Zeynalov