Bərdədə oğurluq edən şəxslər tutuldu

Bərdə rayon polis şöbəsinin əməkdaşları tərəfindən keçirilmiş tədbirlər nəticəsində artezian quyularını elektrik enerjisi ilə təmin edən kabelləri oğurlayan 3 nəfər saxlanılıb.

Teleqraf.com xəbər verir ki, araşdırmalarla onların Vüsal İsayev, Rafiq Ələsgərov və Rahib Məmmədov olduğu müəyyən edilib.

Həmin şəxslər cari il ərzində müxtəlif vaxtlarda 640 metrdən çox elektrik naqillərini oğurlayaraq vətəndaşlara maddi ziyan vurublar.

Faktlarla bağlı Bərdə rayon polis şöbəsində araşdırmalar davam etdirilir.