Salyanda oğurluq edən bakılı tutuldu

Salyan rayonunda oğurluq hadisəsi baş verib.

Bu barədə Teleqraf.com-a Salyan rayon Polis Şöbəsindən məlumat verilib.

Məlumata görə, hadisə dekabrın 15-də Salyan rayonunun Yenikənd kəndində qeydə alınıb. Kənd sakini Qafur Fərzəliyevə məxsus “Ford” markalı avtomobildən şüşəni sındırmaq yolu ilə 70 manat və sənədlər oğurlanıb.

Polis əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Hacı Bədəlov tutulub.

Faktla bağlı cinayət işi başlanıb.

Hacı Zeynalov