Şamaxıda baş verən dəhşətli qəza ilə bağlı rəsmi açıqlama

Daxili İşlər Nazirliyi Şamaxı rayonunda baş verən ağır qəza ilə bağlı rəsmi məlumat yayıb.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Acıdərə kəndində qeydə alınıb. Sabirabad rayon sakini Vaqif Ağayev idarə etdiyi “Hovo” markalı yük avtomobilini Ağsu rayon sakini Elmin Əliyevin idarə etdiyi “Mercedes” markalı avtomobilin üzərinə aşırıb, sonradan sürüşərək qarşıdan gələn Bakı şəhər sakini Zöhrab Abbasovun idarə etdiyi “Mercedes” markalı avtomobilə vurub.

Elman Əliyev və sərnişinləri - Bakı şəhər sakinləri Azər Abbasov, Əntiqə Əiyeva və Fərid Əliyev, habelə Vaqif Ağayev və sərnişini - paytaxt sakini Vaqif Baxşəliyev hadisə yerində ölüb, Zöhrab Abbasovun 1 sərnişini xəstəxanaya yerləşdirilib.

Faktla bağlı Baş Dövlət Yol Polisi İdarəsi tərəfindən araşdırma aparılır.

Hacı Zeynalov