Bakıda yaşayış evinə basqın edildi

Bakının Binəqədi rayonunda yaşayış evlərindən birinə basqın olub.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonunun M.Ə.Rəsulzadə qəsəbəsində qeydə alınıb. Ağdam rayon sakini Anar Məmmədova məxsus tikintisi başa çatmamış evin həyətinə girmiş naməlum şəxs oranın gözətçisi Azər Məmmədova zor tətbiq edərək mobil telefonunu alıb.

Hadisəni törətmiş Beyləqan rayon sakini, əvvəllər məhkum olmuş Pərviz Cəfərov Binəqədi Rayon Mühafizə İdarəsinin əməkdaşları tərəfindən saxlanılıb. Onun barəsində tədbir görülməsi üçün 4-cü polis bölməsinə təhvil verilib.

Hacı Zeynalov