Biləsuvarda baş verən qəzada 1 nəfər öldü

Biləsuvar rayonunda ağır yol nəqliyyat hadisəsi baş verib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, hadisə rayonun Xırmandalı kəndində qeydə alınıb. Bakı şəhər sakini İntiqam Bəhramovun idarə etdiyi “Opel” markalı avtomobillə kənd sakini Dəyanət Sahilovun idarə etdiyi “Minsk” markalı motosiklet toqquşub.

Baş vermiş hadisə nəticəsində Dəyanət Sahilov hadisə yerində ölüb.

Faktla bağlı araşdırma aparılır.

Hacı Zeynalov