Fransa vətəndaşı casus olduğunu etiraf etdi

Fransa vətəndaşı Rusiyanın hərbi və hərbi-texniki fəaliyyəti ilə bağlı qanunsuz məlumat topladığını etiraf edib.

Teleqraf.com xəbər verir ki, bu barədə Rusiya İstintaq Komitəsi açıqlama yayıb.

Açıqlamaya görə, Loran Vinatyenə qarşı cinayət işinin istintaqı davam edir:

"Loran Vinatyen bir neçə ildir ki, qanunvericiliklə müəyyən edilmiş xarici agentlərin reyestrinə daxil edilməsi üçün lazım olan sənədləri səlahiyyətli orqana təqdim etmək öhdəliyini yerinə yetirməyib. Müttəhim istintaqa ifadəsində Rusiyaya hərbi fəaliyyətlə bağlı məlumat toplamaq üçün gəldiyini etiraf edib".