Seçki məntəqəsinə "molotov kokteyli" atan qadına hökm oxundu

Seçki məntəqəsinə “Molotov kokteyli” atmaqda təqsirli bilinən Aleksandra Karaseva barəsində məhkəmə hökm çıxarıb.

Teleqraf.com yerli mətbuata istinadən xəbər verir ki, onun barəsində Moskva Şəhər Məhkəməsi hökm qəbul edib.

Hökmə əsasən qadın 1,5 il müddətinə azadlıqdan məhrum edilib.

Qadın Rusiya Cinayət Məcəlləsinin 141-ci maddəsinin 2-ci hissəsinin “c” bəndi (“Seçki hüquqlarının həyata keçirilməsinə və ya seçki komissiyalarının işinə mane olma, qabaqcadan əlbir olan bir qrup şəxs və ya mütəşəkkil dəstə tərəfindən törədildikdə”) ilə təqsirli bilinib.

Məhkəmə müəyyən edib ki, Karaseva bir qrup şəxsin tərkibində seçki komissiyasının işinə müdaxilə edib. Xüsusilə, o, Varşavskaya küçəsində yerləşən seçki məntəqəsinə molotov kokteyli ilə hücum edib.