Bakıda fotoqrafı qətlə yetirən şəxsin məhkəməsi başladı

Bakının Qaradağ rayonunda qonşunu qətlə yetirməkdə ittiham olunan Nahid Həsənovun cinayət işi üzrə məhkəmə prosesi keçirilib.

Teleqraf.com xəbər verir ki, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmə baxışı 2025-ci il yanvarın 13-ə təyin olunub.

Qeyd edək ki, bu ilin avqustun 4-də Qaradağ rayonu Qobu qəsəbəsində 1989-cu il təvəllüdlü Bəhruz Məmmədovun qətlə yetirilməsi ilə bağlı rayon prokurorluğuna məlumat daxil olub.

1990-cı il təvəllüdlü Nahid Həsənovun şəxsi münasibətlər zəminində yaranmış mübahisə nəticəsində qonşusu Bəhruz Məmmədova kəsici-deşici alətlə xəsarət yetirərək onu qəsdən öldürməsinə dair əsaslı şübhələr müəyyən edilib.

Nahid Həsənovun barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.

Qətlə yetirilən Bəhruz Məmmədov fotoqraf kimi fəaliyyət göstərib.