“Bakı Metropoliteni”nin yeni sədri kimdir? - Dosye

Prezident İlham Əliyevin bu gün müvafiq sərəncamı ilə Vüsal Yusif oğlu Aslanov “Bakı Metropoliteni” Qapalı Səhmdar Cəmiyyətinin sədri vəzifəsinə təyin olunub.

Teleqraf.com QSC-nin yeni sədrinin dosyesini təqdim edir:

Vüsal Aslanov 1981-ci ildə anadan olub.

Bakı Dövlət Universitetində "Hüquq" ixtisası üzrə təhsil alıb, mülki və təsərrüfat hüququ üzrə magistr dərəcəsi əldə edib. 2020-ci ildə "Maastricht School of Management"i bitirib.

2004–2015-ci illərdə “Azərinşaatservis” MMC, “Azərinteltek” QSC, “Azərcon” ASC və “Retro-Park” MTK-da müxtəlif vəzifələrdə çalışıb.

2015–2016-cı illərdə “Azərbaycan Dəmir Yolları” Qapalı Səhmdar Cəmiyyəti sədrinin müşaviri vəzifəsində işləyib.

2016-cı ildə “Azərbaycan Dəmir Yolları” QSC sədrinin müavini təyin edilib.

Evlidir, 3 övladı var.