Bakı sakini qardaşını bıçaqladı

Bakının Suraxanı rayonunda bıçaqlanma hadisəsi baş verib. Suraxanı Rayon Polis İdarəsindən Teleqraf.com-a verilən məlumata görə, hadisə rayonun Kalinin küçəsində qeydə alınıb.

Bakı şəhər sakini, 1966-cı il təvəllüdlü Elçin Hənəfiyev naməlum şəraitdə bıçaqlanıb. O, bıçaq xəsarətləri ilə 3 saylı şəhər xəstəxanasına yerləşdirilib. Vaxtında tibbi yardım göstərilib və onun həyatını xilas etmək mümkün olub.

Elçin Hənəfiyevin ailə münaqişəsi zəminində qardaşı tərəfindən bıçaqlanması məlum olub.

Faktla bağlı Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov