“KamAZ”-ın vurduğu piyada xəstəxanada öldü

Göygöl rayonunda ölümlə nəticələnən yol nəqliyyat hadisəsi baş verib.

Teleqraf.com xəbər verir ki, hadisə rayonun Yeni Qızılca kəndində qeydə alınıb.

Rayon sakini Binəli Tavşanov idarə etdiyi “KamAZ” markalı avtomobillə yolu keçən kənd sakini Aytac Abdullayevanı vurub. Nəticədə piyada xəstəxanaya yerləşdirilib və orada ölüb.

Faktla bağlı Göygöl Rayon Polis Şöbəsi tərəfindən araşdırma aparılır.

Hacı Zeynalov