Bakıda silahlı insident: 2 nəfər yaralandı

Bakının Səbail rayonunda silahlı insident baş verib.

Teleqraf.com xəbər verir ki, hadisə Badamdar qəsəbəsində yerləşən “Bulaq” restoranında baş verib.

Restoranda müştərilər arasında yaranan mübahisə silahlı insidentlə nəticələnib. Hadisə zamanı iki nəfər xəsarət alıb.

Polis hadisə ilə bağlı cinayət törədənlərdən bir neçə nəfəri saxlayıb. Digər şəxslərin də tutulması üçün tədbirlər görülür.

Əraziyə cəlb edilən polis və prokurorluq orqanları əməkdaşları hadisə yerindən 5 giliz tapılıblar. Hüquq-mühafizə orqanı əməkdaşları həmin boş patronların “Winchester” maraklı odlu silha aid olduğunu bildirib.

Məlumata görə, silahlı insidenti törədənlər arasında idmançılar da olduğun bildirilir.

Səbail rayonunda silahlı insident zamanı yaralanan şəxslərin adları məlum olub. Səbail rayon Prokurorluğundan Teleqraf.com-a verilən məlumata görə, insident zamanı xəsarət alan şəxslər Astara rayon sakini, 1980-ci il təvəllüdlü Fərid Əkbərov və Bakı şəhər sakini, 1986-cı il təvəllüdlü Süleyman Abdullayevdir.

Cinayəti törədən 4 nəfər həbs edilib. Hadisənin pul borcu üstündə baş verdiyi bildirilir.

Hacı Zeynalov