Nadir Soçiyə, Ədalət bağ evinə, Samirə iş başına…- SORĞU

Yay gəldi, istilər düşdü, məşhurlar istirahətə kölgəlik axtarırlar. Cibdə pul varsa, zaman imkan verirsə, niyə də istirahət etməyəsən? Ancaq harada?

Teleqraf.com tanınmışlara “Yay istirahətinizi hansı xarici ölkədə keçirəcəksiniz?” sualı ilə müraciət edib.

Nadir Qafarzadə Soçiyə gedəcək: “Yayı əsasən iş başında keçirməyi düşünürəm. Amma imkan tapsam Soçiyə gedəcəm. Oranın havası çox gözəldir. Eləcə də bir dostum Nabrana dəvət edib. Əslində əvvəlcədən heç nəyi planlaşdırmıram. Qəflətən uşaqlara deyirəm ki, bilet aldım, filan ölkəyə gedirik”.

Ədalət Şükürov Bakıda bağ evində istirahət edəcək: “İstirahətimi ailəmlə Bakıdakı bağ evimdə keçirəcəm. Xarici ölkəyə getmək fikrim yoxdur".

Aşıq Samirə isə maddi imkansızlıqdan xarici ölkəyə getməyi düşünməyən məşhurlar sırasındadır: “Bu il yay tətilini ölkəmizdə keçirəcəm. Səbəbi madiyyatdır... Çünki istirahətə tək yox, ailəmlə, uşaqlarımla gedirəm. Ona görə çox pul lazım olur. Toylar az olduğuna, qazanc az çıxdığına görə, istirahətimizi Bakıda keçirəcəyik. Əslində burada da istirahət az pul tələb etmir…"

Samira Allahverdiyeva oğlunun ali məktəbə imtahan verdiyinə görə bu il Bakıdan çıxmayacaq: “İstirahət üçün heç bir xarici ölkəyə getməyi planlaşdırmıram. Çünki oğlum ali məktəbə hazırlaşır. İnşallah, ali məktəbə daxil olsun, ondan sonra rahat nəfəs alacam".

Aparıcı Samirə Rüstəmova isə yeni veriliş üzərində işləyir: “Təbii, istirahət etməyi çox istərdim. Hazırda “İncilər Şarm”proqramına aparıcılıq edirəm. Verilişimiz yayımlanmağa başlayıb. Yəni bu yay mənə istirahət yoxdur. Həyat yoldaşıma deyirəm, qış fəslində xarici ölkəyə istirahətə getmək daha yaxşı olar. Yayda Azərbaycanımızın regionları daha gözəl olur".

Könül Kərimova Türkiyəyə gedəcək: “İstirahət üçün Antalyanı seçmişəm. Bir az yorğunam. İstirahətə ehtiyacım var".

Prodüser Təranə də Türkiyəyə gedənlər sırasındadır: “Türkiyəyə gedəcəm. Yeni qrupa işləməyə başlamışam. İşimlə bağlı planlarımız çoxdur".

Sevinc Ağaşirinova Amerikadan istirahət etsə də yenidən başqa ölkəyə də gedəcəyini vurğulayıb: "Amerikaya getdim, orada bir ay istirahət etdim. Xərc çox çıxmadı, ona görə yaxşı istirahət edə bilmədim. Yenə istirahət etməyi düşünürəm. Amma bu dəfə hansı xarici ölkəyə gedəcəyimi planlaşdırmamışam".

Rəqsanə