Ədəbiyyat üzrə Nobel mükafatı laureatı vəfat etdi

Məşhur italyan yazıçı, dramaturq, rejissor, aktyor, rəssam, görkəmli mədəniyyət xadimi, ədəbiyyat üzrə Nobel mükafatı laureatı Dario Fo 91 yaşında vəfat edib.

"Report" TASS-a istinadən xəbər verir ki, bu ilin mart ayında D.Fo 90 illik yubileyini yeni tamaşa ilə qeyd etmişdi.

O, son vaxtlara qədər fəallığını qoruyur və çoxlu işləyirdi, publika və jurnalistlərlə tez-tez görüşürdü.
İtaliya baş naziri Matteo Rentsi bildirib ki, D.Fonun vəfat etməsi ilə ölkə mədəni həyatının böyük fiqurunu itirib. "Onun teatr axtarışları, yaradıcılığı dünyada böyük italyan irsi qoyub", - deyə İtaliya hökumət başçısı bildirib.