Şahin Zəkizadə vəfat etdi, sabah dəfn olunacaq - Son açıqlama/YENILƏNDİ-2

Şahin Zəkizadənin xalasıoğlu Aqil Adiloğlu Teleqraf.com-a açıqlamasında rejissorun bir saat əvvəl dünyasını dəyişdiyini deyib:

“Şahin bir saat əvvəl dünyasını dəyişdi. Hələ cənazə xəstəxanadadır.

Sabah cənazə evindən götürülüb, Maştağadakı “Seyidlər” qəbiristanlığında dəfn olunacaq”.

***

Klinikanın baş həkimi Adil Nuriyev Teleqraf.com-a bildirib ki, Şahin Zəkizadənin səhhəti kritikdir. Onun vəfat eləməsi barədə yayılan xəbərlər şayiədir: "O, indi ağır vəziyyətdə reanimasiyadadır. Xəstəlikdə belə ağırlaşmalar olur. Başqa proqnoz verə bilmərəm, əlavə heç nə deyə bilmərəm".

***

Qan xərçəngindən əziyyət çəkən rejissor Şahin Zəkizadə vəfat edib.

Teleqraf.com xəbər verir ki, Şahin Zəkizadənin ölümünü yaxınları təsdiqləyib.

Şahin Zəkizadə ATU-nun Tədris-Terapevtik Kliniaksının reanimasiya şöbəsinə yerləşdirilmişdi.

Rəqsanə