“Candoco” rəqs qrupu “Azdrama” səhnəsində

7-8 mart tarixlərində Azərbaycan Akademik Milli Dram Teatrında “Candoco” rəqs ansamblının iki hissəli tamaşası təqdim ediləcək.

Teatrdan Teleqraf.com-a verilən məlumata görə, ansamblın Bakı şəhərində təşkil olunacaq çıxışları ilə “British Council” Azərbaycanda əlilliyi olan sənətkarlara bir mütəxəssis kimi püxtələşmək, yeni işlər ərsəyə gətirmək və beynəlxalq arenada əməkdaşlıq etmək üçün misilsiz imkanlar təklif edəcək yeni proqrama start verir.

“Candoco” əlilliyi olan və olmayan rəqqaslardan ibarət rəqs ansamblıdır. 25 illiyini qeyd edən “Candoco” Bakı tamaşaçısına “Beheld” (“Bax”) və “Set and Reset/Reset” (“Qur və yenidən qur”) tamaşalarını təqdim edəcək.
Tamaşadan bir gün əvvəl – martın 6-da “British Council” “Yarat”la birlikdə əlilliyi olan insanların çalışdığı təşkilatlar və əlilliyi olan şəxslər üçün dəyirmi masa təşkil edəcək.

Martın 7-də saat 11:00-da Azərbaycan Dövlət Akademik Dram Teatrında Azərbaycan media nümayəndələri üçün “Candoco” rəqs ansamblı üzvlərinin iştirakı ilə mətbuat konfransı keçiriləcək.
Tamaşalara biletlərin qiyməti 6 AZN-dir.

Nərmin