“Dünya ədəbiyyatı kitabxanası” seriyasından daha 6 kitab çap olundu – FOTO

Prezident İlham Əliyevin 24 avqust 2007-ci il tarixli sərəncamına əsasən çap olunan 150 cildlik “Dünya ədəbiyyatı kitabxanası” (DƏK) seriyasından daha 6 kitab işıq üzü görüb. Bakı Kitab Klubundan Teleqraf.com-a verilən məlumata görə, yeni kitablar bunlardır:

1. Emil Zolya. Seçilmiş əsərləri
2. Fransua Moriak. Seçilmiş əsərləri
3. Kenzaburo Oe. Seçilmiş əsərləri
4. XX əsr dünya ədəbiyyatı antologiyası. I cild
5. XX əsr dünya ədəbiyyatı antologiyası. II cild
6. İtalyan ədəbiyyatı antologiyası

Bununla da DƏK seriyasından çap olunan kitabların sayı 130-a çatıb. Qeyd edək ki, sözügedən seriyadan olan kitabların çapına 2009-cu ildən başlanılıb. Kitablar dörd bölümdə nəşr edilir: 45 kitab klassik dünya ədəbiyyatından, 40 kitab Nobel mükafatına layiq görülmüş müəlliflərin əsərlərindən, 40 kitab müasir dünya ədəbiyyatından, 25 kitab isə dünya ədəbiyyatı üzrə antologiyalardan ibarətdir. Kitabların 120-si Azərbaycan dilində ilk dəfə nəşr olunur.

Səxavət