Odri Hepbernin nəvəsindən təəccübləndirən pozalar - FOTO

Odri Hepbernin nəvəsi “Harper’s Bazaar” jurnalının sentyabr nömrəsində oxucuların gözlərini oxşayacaq.

50-ci illərin kino-ulduzu Odri Hepbernin nəvəsi Emma Ferrer ilk dəfə kamera qarşısına keçib. Maraqlıdır ki, 20 yaşlı Ferrerin fotolarını əfsanəvi Riçard Avedonun nəvəsi Maykl Avedon çəkib. Bir zamanlar Hepbern baba Avedon üçün əsl muza idi.

Maykl Avedonun sözlərinə görə, təcrübəsinin azlığı Ferrerin təbii gözəlliyini və zərifliyini nümayiş etdirməsinə mane olmayıb. Dizaynerlər gənc Emma üçün 60-cı illər tərzində geyimlər və aksesuarlar seçib. Bununla da Ferrerin nənəsi ilə oxşarlığı aydın sezilib.

Emma fotomodel və ya aktrisa olmağı planlaşdırmır. İndi o, Florensiyadakı İncəsənət Akademiyasında təhsil alır və ən böyük arzusu yaxşı rəssam olmaqdır. Ferrer heç vaxt nənəsini görməsə də onların zahirən bir-birinə çox oxşadığı aydın görünür.

1937.az