Mədəniyyətlərarası Dialoq Forumu may ayında keçiriləcək

“Üçüncü Ümumdünya Mədəniyyətlərarası Dialoq Forumu gələn ilin may ayında öz işinə başlayacaq”.

Teleqraf.com xəbər verir ki, bunu mədəniyyət və turizm naziri Əbülfəs Qarayev Yunesko-nun 9-cu sessiyasının Azərbaycan üçün nəticələrinə həsr olunan mətbuat konfransı bildirib. O bildirib ki, forum Azərbaycanın beynəlxalq imcinin formalaşdırılmasına müsbət təsir göstərib:

“Bu öz-özlüyündə cənab prezidentin apardığı siyasətinin təntənəsidir. Real olaraq bütün dünyanın diqqəti Azərbaycan yönəlir. Azərbaycanın mədəniyyətlərarası dialoqun tərəfdaşı və təşkilatçısı kimi təqdim etməkdədir”.

O qeyd edib ki, nazirlik tərəfindən mətbu orqanları arasında gələn il fevralın 1-dən may ayının 1-nə kimi forum və mədəniyyətlərarası dialoqla bağlı “ən yaxşı veriliş”, “ən yaxşı məqalə” müsabiqəsi təsis olunacaq. Artıq yanvar ayında biz bununla bağlı informasiya yayılacaq”

Nərmin