Gənc şairin kitabının təqdimatı olacaq

İyunun 19-da Azərbaycan Yazıçılar Birliyinin “Natəvan” klubunda qurumun nəzdində fəaliyyət göstərən Gənc Ədiblər Məktəbinin fəal üzvü, Gənc Yazarlar Birliyinin sədri Emin Pirinin yeni – “Tanrının kölgəsi” kitabının təqdimat mərasimi keçiriləcək.

AYB-dən Teleqraf.com-a bildirilib ki, kitabda gənc şairin son dövrlər ədəbi mətbuatda dərc edilmiş şeirləri yer alıb.

Bildirilib ki, E.Piri “Mələklərə atılan mərmilər” və “Allahın zarafatı” şeirləri oxucular tərəfindən tanınaraq sevilib.

Kitab müəllifin imzası ilə iştirakçılara təqdim olunacaq.