“Avatar”ın ardının çəkilişi apreldə başlayacaq

Məşhur rejissor Ceyms Kemeron “Avatar” trilogiyasının ilk hissəsinin çəkilişlərinin bu ilin aprelində başlayacağını bildirib.

Filmin çəkilişləri Yeni Zelandiyada həyata keçiriləcək. Müəlliflər filmin ilk hissəsinin 2016-cı ilin dekabrında nümayiş etdirilməsini planlaşdırsalar da, hər 3 seriyanın eyni vaxtda çəkilməsi premyeranı gələn ilə qədər təxirə salıb.

Qeyd edək ki, Sem Uortinqton və Zoi Saldanonun baş rol aldığı “Avatar” filmi 2009-cu ildə ekranlara çıxıb və dünya üzrə 2,8 milyard dollar qazanc əldə edərək ən çox gəlir gətirən film adına layiq görülüb. 9 nominasiyada Oskara namizəd olan film yalnız - ən yaxşı operator işi, ən yaxşı vizual effektlər və ən yaxşı rəssam işində qalib gəlib.