Kamal Kılıçdaroğlu da o qapıya - Yenikapıya gedəcək

Cümhuriyyət Xalq Partiyasının (CHP) sədri Kamal Kılıçdaroğlu bazar günü İstanbulun Yenikapı meydanında keçirilən "Demokratiya və şəhidlər" mitinqinə qatılacaq.

Teleqraf.com Türkiyə mediasına istinadla xəbər verir ki, bu barədə CHP-nin Mərkəzi İdarə Heyəti qərar verib.

Bundan əvvəl aksiyaya CHP-dən bir nümayəndə heyətinin gedəcəyi xəbər verilirdi. Mitinqə Türkiyə prezidenti Rəcəb Tayyib Ərdoğan da qatılacaq. O, eyni zamanda müxalifət partiya liderlərinə mitinqdə iştirakla bağlı dəvət məktubu da göndərib. Bu aksiya ilə iyulun 15-dən küçə və meydanlara çıxmış xalqın çevriliş əleyhinə fasiləsiz mitinqlərinə son qoyulacaq.

MHP lideri Dövlət Baxçalı da mütinqdə iştirak edəcəyini bəyan eləyib.

Mahir