İran neft hasilatının dondurulması müzakirələrinə qoşulur - QƏRAR

İran İslam Respublikasının neft naziri Bijən Namdar Zəngənə Neft İxrac edən Ölkələr Təşkilatına (OPEC) üzv ölkələrin nümayəndələrinin Əlcəzairdə keçiriləcək toplantısında iştirak edəcək.

Teleqraf.com-un məlumatına görə, bu barədə İranın Neft Nazirliyinin rəsmi saytında məlumat verilir.

Həmçinin bildirilir ki, OPEC-in baş katibi Məhəmməd Barkindo yaxın vaxtlarda İrana səfər edəcək.

OPEC-ə üzv və digər böyük neft istehsalçısı ölkələrin nümayəndələrinin sentyabrın 26-28-də Əlcəzairdə keçiriləcək Beynəlxalq Enerji Forumu çərçivəsində danışıqlar aparması gözlənilir. Danışıqlarda neftin hasilat miqdarının “dondurulması”nın əsas müzakirə mövzusu olacağı bildirilir (Azərtac).