6 İyul 2017 15:03
740

Rusiya Prezidenti Vladimir Putin Daxili İşlər Nazirliyi, Cəzaların İcrası Federal Xidməti və Fövqəladə Hallar Nazirliyində kadr islahatları aparıb.

Teleqraf.com xarici mediaya istinadla xəbər verir ki, Putin 8 generalı vəzifəsindən azad edib.

DİN-in mərkəzi aparatında işdən azad olunanlar arasında Nəqliyyatın idarə olunması idarəsinin rəis müavini, general-mayor Andrey Andreyev, nəzarət-təftiş idarəsinin rəisi, general-mayor Yevgeni Barikayev və istintaq departamentinin rəsinin birinci müavini, general-leytenant Yuri Şinin var.

Bundan başqa, DİN-in Kemereovsk regionu üzrə rəisi, general-leytenant Yuri Larinov və onun müavini general-mayor Vladimir Şepel, eləcə də Tuva respublikasının daxili işlər idarəsinin rəisi, general-mayor Aleksandr Lobanov vəzifələrindən azad ediliblər.

FHN-nin Sverdlovsk üzrə rəisi, general-mayor Andrey Zalenski, Cəzaların İcrası Federal Xidmətinin Rostov üzrə nümayəndəsi, general-leytenant Sergey Smirnov, Federal xidmətin rəis müavini Sergey Sazanov və Buryatiyanın prokuroru Valeri Petrov da işdən uzaqlaşdırılıb.

Onların işdən çıxarılma səbəbləri açıqlanmır.


Müəllif: Samir