Vikiliksdən xəbərdarlıq: “Dünya müharibəsi başlayır”

Kataloniyada keçirilməsi planlaşdırılan müstəqillik referendumu dünyada birinci internet müharibəsinin başlanması deməkdir.

Teleqraf.com xarici mediaya istinadla xəbər verir ki, bu sözləri Vikiliks saytının təsisçisi Culian Assanj Tvitter hesabında yazıb.

O əlavə edib ki, Kataloniyada insanlar internetdən referendumun təşkili üçün istifadə edirlər, ispan kəşfiyyatı isə informasiya hücumu təşkil edir, telekommunikasiya şəbəkəsini dondurur, internet saytlarına senzura qoyurlar.

Assanj bildirib ki, Kataloniyada baş verənlər Berlin divarının dağılmasından sonra Qərbdə ən böyük konfliktdir.

Qeyd edək ki, İspaniyanın muxtar ərazisi olan Kataloniya rəhbərliyi sabah müstəqillik referendumu keçirməyi planlaşdırır.