Gizli görüş keçirən nazir işdən qovuldu – Qalmaqal

Böyük Britaniyanın Beynəlxalq İnkişaf naziri Priti Patel istefa verib.

Teleqraf.com xarici mediaya istinadla xəbər verir ki, Priti Britaniyanın Baş naziri Tereza Meylə 6 dəqiqəlik görüşdən sonra bu qərarı verib.

Onun istefasına səbəb kimi Britaniya hökumətinin xəbəri olmadan İsraildən olan nümayəndələrlə gizli görüş keçirməsi olub.

Mey açıqlaması zamanı bildirib ki, İsrail Britaniyanın müttəfiqidir, ancaq belə görüşlər hökumətlə razılaşdırılmalıdır.

Qeyd edək ki, bundan öncə Britaniyada aralarında 2 nazirin də olduğu 36 nəfər təcavüz ittihamı ilə məsuliyyətə cəlb olunub.