Bir ailə əlləri və gözləri bağlı tavandan asılı halda tapıldı – Dəhşət

Hindistanda bir ailənin 11 üzvü eyni evdə gözləri və əlləri bağlı şəkildə tavandan asılmış vəziyyətdə tapılıb.

Teleqraf.com-un məlumatına görə, polis evdəki yazılı vərəqələrdən belə nəticəyə gəlib ki, ailə kollektiv dini ayin icra edib.

Hindistan polisi hadisənin bazar günü baş verdiyini bildirib. 4 kişi, 7 qadın olmaqla ümumilikdə 11 nəfər ölü tapılıb.

Hadisənin səbəbi hələlik məlum deyil. Bununla belə polis hesab edir ki, qurbanların əllərinin və gözlərinin bağlı onların mistik tədbir keçirmələri versiyasını gücləndirir.