Güney Azərbaycanla bağlı 7 səhifəlik sənəd yayımlandı – BƏT-dən sərt tələb

Beynəlxalq Əfv Təşkilatı (BƏT) İran hakimiyyəti tərəfindən Güney Azərbaycan türklərinə qarşı başladılan həbs kampaniyasına etiraz edib.

Teleqraf.com xəbər verir ki, təşkilat İran hakimiyyətindən həbs edilmiş azərbaycanlı fəalların sərbəst buraxılmasını tələb edib.

BƏT bununla bağlı 7 səhifəlik sənəd yayımlayıb.

İran hakimiyyətinə müracitlə yayılmış sənəddə deyilir:

“Azərbaycan türklərin haqlarını müdafiə edən fəalları sərbəst buraxın və mədəni fəaliyyətlərinin qarşısını almaq cəhdlərinizi dayandırın”.

120 nəfərin qanunsuz olaraq həbs edildiyini diqqətə çatdıran BƏT İran hakimiyyətindən azərbaycanlı milli fəal İbrahim Nurini qeyd-şərtsiz azadlığa buraxmasını tələb edib.