BMT İsrail və Fələstin barəsində çağırış etdi

BMT Təhlükəsizlik Şurası Qəzzada vəziyyətin yenidən gərginləşməsindən narahatdır.

BMT Təhlükəsizlik Şurasının prezidenti, İngiltərənin BMT-dəki səfiri Mark Qrant Fələstin və İsrail tərəflərini atəşkəsi yenidən bərpa etməyə çağırıb: “BMT Təhlükəsizlik Şurası tərəfləri Qəzza zolağında vəziyyəti gərginləşdirməkdən çəkinməyə çağırır və humanitar atəşkəsin elan olunmasını tələb edir”.

Xatırladaq ki, tərəflər arasında əldə olunan müvəqqəti atəşkəs pozulub. HƏMAS İsrailin hava hücumları nəticəsində 3 hərbi komandirinin həlak olduğu barədə məlumat yayıb. BMT-nin açıqlamasına görə isə Qəzzada hərbi əməliyyatlar başladığı gündən bu günədək ölənlərin sayı 2000-ə çatıb.

/APA/