“Mən “Lazika”nın lideri olmaq istəyirəm …” – Saakaşvili planını açıqladı

Sabiq prezident Mixail Saakaşvili Gürcüstana qayıtdıqdan sonra ölkənin qərb bölgələrində liman kəndi olan Anakliyadakı “Lazika” azad iqtisadi zonasının başçısı olmaq istədiyini açıqlayıb.

Teleqraf.com xəbər verir ki, o bu barədə “Rustavi 2” telekanalına müsahibəsində danışıb.

Sabiq prezidentin sözlərinə görə, o, Gürcüstanda hakimiyyət dəyişikliyindən sonra keçmiş baş nazir Bidzina İvanişvili kimi hökuməti qeyri-rəsmi idarə etmək niyyətində deyil:

“Mən gələcək hakimiyyətdən heç bir vəzifə tələb etmirəm və etməyəcəyəm. Mən hökumətdə olmayacağımı deyirəm, bu, hiylə deyil”.

Saakavili qeyd edib ki, əsas planı Gürcüstanı uğurlu dəniz ölkəsinə çevirməkdir: “Buna görə də, “Lazika” azad iqtisadi zonasının başçısı vəzifəsinə müraciət edəcəyəm. Bu zonanın lideri olmaq istəyirəm”.