“ABŞ Suriyadan ona görə çıxdı ki…” – Yeni Türkiyə planı

“Hərbi qüvvələrini Suriyadan çıxardığını elan edən ABŞ Türkiyə ilə sərhəd bölgələrinə diqqətini artıracaq”.

Teleqraf.com xəbər verir ki, bunu türk politoloq Barış Dostər deyib.

Ekspert ABŞ-ın Suriya-Türkiyə sərhədlərində fəaliyyət göstərən silahlı qruplaşmalara verdiyi dəstəyi artıracağını istisna etməyib.

Barış Dostər rəsmi Vaşinqtonun Rusiya-Türkiyə yaxınlaşmasından da narahat olduğunu diqqətə çatdırıb:

“ABŞ bu yaxınlaşmadan narahatdır, buna görə də, tərəfləri bir-birindən uzaqlaşdırmağın yollarını axtarır.

ABŞ kimi imperialist bir ölkənin Əfqanıstan və İraqdan sonra Suriyadan çıxacağını elan etməsi səmimi görünmür. Hesab edirəm ki, Amerika nəzərlərini Suriya-Türkiyə sərhədlərinə çevirəcək.

ABŞ-ın Yaxın Şərqdəki fəaliyyətlərində hədəfləri bəllidir:

İsrailin təhlükəsizliyini təmin etmək, İranı təcrid etmək... Kürdlər üçün dövlət yaratmaq cəhdləri də, buna xidmət edir”.