Makronun çıxışı zamanı gözlənilməz hadisə - Video

Fransa prezidenti Emmanuel Makron Çadın paytaxtı N'Dcamenada xidmət edən fransalı əsgərlərə xitab etdiyi sırada qəribə hadisə baş verib.

Publika.az xəbər verir ki, prezidentin çıxışından sonra Fransanın milli marşı səsləndirilib və o əsnada Makronun yanında dayanan bir əsgər huşunu itirib.

Makron öncə təəccüblənib. Daha sonra onun yanında gözləyərək durumu müşahidə edib. Huşunu itirən əsgərə digər əsgərlər kömək edib.

Hadisə çıxışı və milli marşı canlı yayımla verən Makronun şəxsi tvitter hesabından saniyə-saniyə görüntülənib.

Qeyd edək ki, 4500-dən çox fransız əsgər 2014-cü ildən etibarən terrorla mübarizə çərçivəsində Çadda xidmət edir.