İŞİD “Kurtlar Vadisi”nə də girdi (VİDEO)

Yeni mövsüm üçün hazırlanan fraqmentə İŞİD-in edam səhnəsi göstərilib

İllərdir böyük maraqla izlənən “Kurtlar Vadisi Pusu” serialının yaradıcı heyəti yeni mövsümə ciddi-cəhdlə hazırlaşır.

ANS PRESS-in məlumatına görə, 10 ildir izlənmə rekordaları qıran, Azərbaycanda da geniş izləyici kütləsi olan Türkiyənin məşhur “Kurtlar Vadisi Pusu” serialı sentyabr ayında “Kanal D”də yayımlanacaq.

Serialın bu mövsümündə Suriya və İraqda günahsız insanları qana qəltan edən “İslam Dövləti” (İŞİD) terror qruplaşmasından da bəhs ediləcəyi gözlənilir. Serialın artıq yeni mövsüm üçün fraqmentləri də yayımlanıb və orada İŞİD-in edam səhnəsi canlandırılıb.