Şimali Makedoniyada prezident seçkiləri keçirilir

Şimali Makedoniya Respublikasında prezident seçkilərinin ikinci turu keçirilir.

Teleqraf.com xəbər verir ki, yerli vaxtla saat 07:00-da ölkə ərazisində 3480 seçki məntəqəsi işə başlayıb.

Bu gün Şimali Makedoniyada səsvermə hüququndan 1,8 milyon insan istifadə edə bilər. Onlar ikinci tura keçmiş Stevo Pendarovski və Qordana Silyanovska-Davkova arasında seçim edəcəklər.

Ölkə ərazisində səsvermə yerli vaxtla saat 19:00-da başa çatacaq. Səsvermənin rəsmi nəticələri növbəti gün açıqlanacaq.