7 tonluq casus peyki partladı

Rusiyaya məxsus “Kosmos-2495” adlı hərbi peyki ABŞ-ın Kolorado ştatının səmasında partlayıb.

Teleqraf.com-un unian.net-ə istinadən verdiyi xəbərə görə, bu barədə Amerika mətbuatında məlumatlar yayılıb.

Hadisənin bir həftə bundan əvvəl baş verdiyi, ancaq bu barədə məlumatın yalnız indi daxil olduğu bildirilir. Məlumata görə, hadisə sentyabrın 2-də yerli vaxtla saat 22:30-da baş verib.

Məlumatlarda həmçinin deyilir ki, peyk öz işini bitirib Rusiya ərazisinə enməli olduğu halda, müəyyən nasazlığa görə Kolorado ştatında yerə çırpılıb.

Xatırladaq ki, may ayında istifadəyə verilən peykin kütləsi təqribən 7 ton olub.

Samir