Məşhur aktyor və xanımı koronavirusa yoluxdu

Amerikanın məşhur aktyoru Tom Henks və xanımı Rita Uilson koronavirusa yoluxub.

Teleqraf.com xəbər verir ki, bu barədə aktyor özünün “Twitter” səhifəsində bəyan edib.

“Mən Rita ilə Avstraliyadayıq. Biz koronavirusla bağlı analiz verdik və cavab müsbət oldu”.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 121 ölkədə qeydə alınıb.