Qazprom"dan Ukraynaya hədə

"Qazprom" Ukraynanı Berlin razılaşmasının dəyərini nağd ödəyəcəyi halda 5 milyard kubmetr qazla təmin edəcək”.

Axar.az xəbər verir ki, bunu Rusiya Federasiyasının Energetika naziri Aleksandr Novak söyləyib.

O, Berlində təqdim olunan razılaşma paketinin Avropa İttifaqı tərəfindən bəyəniləcəyinə ümid etdiyini bildirib:

“Qış mövsümündə temperatur rejimindən asılı olaraq Ukraynaya 5 milyarddan 12 milyard kub qaz lazım olacaq. Berlində təqdim edilən razılaşma paketi son qərar deyil. Lakin ümid edirəm ki, bu təklifimiz Avropa İttifaqı tərəfindən də bəyəniləcək. Hər halda biz hər hansı kompromis tapacağıq”.

Xatırladaq ki, Qazprom iyunun 16-dan etibarən Ukraynaya qazın verilməsini dayandırıb.