Xalq artisti koronavirusa yoluxub? - Nəticəni açıqladı

Müğənni, Rusiya Federasiyasının Xalq artisti İqor Nikolayev koronavirus infeksiyası ilə bağlı aparılan analizlərin mənfi nəticə verdiyini açıqlayıb.

Teleqraf.com xəbər verir ki, bu barədə o, özünün “İnstaqram”dakı səhifəsində bildirib.

“C0VID-19 - “Mənfi!” Dostlarıma və həmkarlarıma səmimi qayğı və dəstək sözləri üçün çox minnətdaram! Pozitiv nəticəyə inanan, diqqətli və mehriban olan hər kəsə təşəkkür edirəm”, – yazan müğənni “İnstaqram” hesabında analizin nəticələrini də paylaşıb.

Martın 27-də ifaçı koronavirusun aşkarlanması üçün analiz verdiyini açıqlamışdı.

Martın 26-da yazıçı Boris Akunin ona COVID-19 koronavirus infeksiyası diaqnozunun qoyulduğunu bildirmişdi.