Çindən Rusiyaya mütəxəssislər qrupu gəlir

Çin yeni növ koronavirus infeksiyası COVID-19-un yayılmasına qarşı mübarizə aparmaq üçün Rusiyaya mütəxəssislərdən ibarət qrup göndərib.

Teleqraf.com xəbər verir ki, bu barədə Çin Xarici İşlər Nazirliyinin saytı məlumat yayıb.

Mütəxəssislərdən ibarət qrup Çinin Səhiyyə Məsələləri üzrə Dövlət Komitəsi tərəfindən formalaşdırılıb.
Onlar Rusiyaya bu gün səhər tezdən uçublar. Bundan əvvəl Rusiyanın Çindən 26 ton humanitar yardım aldığı bildirilmişdi.

Mart ayında Çinin Rusiyadakı səfiri Çjan Xanxuey “İzvestiya” qəzetinə verdiyi müsahibədə COVID-19 koronavirus infeksiyası ilə mübarizədə Rusiyanın köməyini yüksək qiymətləndirmişdi.