Yeni yoluxma qeydə alındı - Çindən korona ilə bağlı son məlumat

Son sutka ərzində Çində COVID-19 koronavirus infeksiyasına 11 yeni yoluxma halı qeydə alınıb.

Teleqraf.com xəbər verir ki, bu barədə “TASS” agenliyi Çinin Gigiyena və Səhiyyə üzrə Dövlət Komitəsinə istinadla xəbər yayıb.

Bildirilir ki, son sutka ərzində ölüm halı qeydə alınmayıb. Eyni zamanda, 11 yeni yoluxma hadisəsindən 4-ü xaricdən gələnlərdə aşkarlanıb.

Beləliklə, digər ölkələrdə yoluxub Çinə qayıdan ölkə vətəndaşlarının ümumi sayı 1587-yə çatıb.

Ümumilikdə, 2019-cu ilin dekabr ayından bəri ÇXR-də 82 758 nəfər koronavirusa yoluxub, onlardan 4632 nəfər ölüb.