“Liverpul”-“Atletiko” matçı 41 nəfərin ölümünə səbəb oldu – Şok açıqlama

“Liverpul”la Madridin “Atletiko” klubları arasında Çempionlar Liqasının 1/8 finalında baş tutan cavab matçı Böyük Britaniyada azı 41 nəfərin koronavirusdan ölməsinə səbəb olub.

Teleqraf.com xəbər verir ki, bu barədə “The Sunday Times” qəzeti məlumat yayıb. Nəşr qeyd edir ki, statistikanı Böyük Britaniyanın Milli Səhiyyə Xidmətinin (NHS) məlumatlarına əsasən “Edge Health” kompaniyası təmin edib.
Ölənlərin sayı ispaniyalı azarkeşlərin İngiltərəyə gəlməsindən sonra ölkənin digər regionlarında baş verən ölüm hadisələrinin müqayisəsinin modelləşdirilməsi nəticəsində əldə edilib.

Qeyd edək ki, qarşılaşma martın 11-də Liverpulda “Enfild” stadionunda keçirilib və əlavə vaxtda “Atletiko”nun 3:2 hesablı qələbəsi ilə başa çatıb.