ABŞ Qarabağ separatçılarına yardımı bərpa edir? – “Hay-Dat” hərəkətə keçdi

ABŞ-ın Azərbaycanın işğal edilmiş Dağlıq Qarabağdakı minalardan təmizlənməsi proqramı üçün maliyyə yardımı bərpa ediləcək.

Teleqraf.com xəbər verir ki, bu barədə Ermənistanın “Hay-Dat” təşkilatının nümayəndəsi, iqtisadçı Suren Parsyan məlumat verib.

“Hay-Dat”-ın Vaşinqton ofisinin bir illik gərgin əməyi nəticəsində Qarabağdakı minalardan təmizlənmə proqramı üçün maliyyə bərpa olunur. Xatırladım ki, bu, 90-cı illərdən bəri fəaliyyət göstərən, Qarabağa birbaşa yardımın edildiyi müstəsna bir proqramıdır”, - Parsyan bildirib.

ABŞ-dan hələlik məsələ ilə əlaqədar rəsmi açıqlama verilməyib.

Əlavə edək ki, ABŞ hökuməti ötən ilin sonlarında Azərbaycanın işğal edilmiş Dağlıq Qarabağ bölgəsindəki terrorçu rejimə birbaşa maliyyə yardımlarını dayandırıb.