Vulkan püskürməsi fəlakətə çevrildi: 56 ölü

Yaponiyada Ontake vulkanının püskürməsi nəticəsində həlak olanların sayı 56-ya çatıb. Teleqraf.com-un məlumatına görə, xilasedicilər dağın ətəyində bu gün daha bir insan cəsədinin qalıqlarını aşkarlayıblar.

Onun kimliyinin müəyyən olunması məqsədilə DNT ekspertizası təyin edilib. Məlumata görə, 7 nəfər itkin düşmüş hesab olunur.

Xatırladaq ki, Ontake vulkanı sentyabrın 27-də püskürüb. Təbii fəlakət qurbanlarının əksəriyyətinin ölümünə səbəb vulkanının püskürməsi nəticəsində daşların səpələnməsi çoxsaylı xəsarətlər olub.