Qadın və kişi sürücü arasında bir-birinə yol verməmək üstündə əlbəyaxa dava düşüb. Məlumata görə ilk olaraq qadın sürücü kişi sürücüyə yumruq atıb.

Teleqraf.com xəbər verir ki, hadisə Ankaranın Sincan qəsəbəsinin Fatih küçəsində baş verib.

Sürücülər küçədə hərəkət edərkən bir-birinə yol verməyiblər. Bundan sonra hər iki sürücü avtomobildən düşərək mübahisə edib, bir-birini tənqid və təhqirə başlayıb. Görüntülərdən ortaya çıxıb ki, ilk olaraq qadın sürücü kişi sürücüyə hücum edərək ona yumruq atıb. Bunun ardınca dava düşüb.