Ermənistanda yaralı hərbçilər baxımsız durumda

“Mən Sosial Məsələlər Nazirliyinin yaralı hərbçilərə əlil arabaları və qoltuq ağacları verməkdən imtina etməsinə dair həyəcan siqnalı alıram”.

Teleqraf.com xəbər verir ki, bu barədə Ermənistanın “Unison” İctimai Birliyinin sədri Armen Alaverdyan özünün “Facebook”dakı səhifəsində yazıb.

"Mən Sosial Məsələlər Nazirliyinin yaralı qəhrəmanlara onların Ermənistan qeydiyyatı və ya başqa bürokratik problemlərə istinad edərək əlil arabalarının, qoltuqağaclarının və başqa lazımlı predmetləri verməkdən imtina etməsi barədə həyəcan siqnalları alıram.

Sadə qərarlar təklif edirəm: - təcili bütün bürokratik əngəllər aradan qaldırılsın ki, yaralılara bərpa predmetləri verilsin. Bu vaxta qədər məmurlar lazımi əşyaları öz hesablarına əldə edə bilərlər. Və ya yuxarıdakı iki metod birlikdə istifadə edilə bilər.

QHT-lər və vətənpərvərlər bu problemlərin bəzilərini həll ediblər və həll edəcəklər (resurslarımız hər şeyə çatmır). Sadəcə olaraq bu mövzunu təbliğ etmirik”.

Qeyd edək ki, “Unison” İctimai Birliyi sağlamlıq imkanları məhdud insanların problemlər ilə məşğul olur.