“Angela üçün darıxacağam” - Putin

Rusiya Prezidenti Vladimir Putin Almaniya Kansleri Angela Merkelin sentyabr ayında keçiriləcək seçkilərdən sonra siyasətdən getmək barədə qərarını şərh edib.

Teleqraf.com xəbər verir ki, Rusiya lideri Merkellə yaxşı işgüzar əlaqəsinin olduğunu və həmkarı kimi onun üçün darıxacağını söyləyib.

“Onun yerinə kimin olacağını bilmirəm. Angela ilə yaxşı işgüzar münasibətlərimiz var və mən onu çox yüksək qiymətləndirirəm”, - Putin bildirib.

Putin Merkelin təcrübəli siyasətçi, mövqeyini necə qoruya biləcəyini bilən və etibarlı şəxs kimi tanıdığını söyləyib.

Angela Merkel bu vəzifədəki dördüncü dövrü 2021-ci ildə bitdikdən sonra yenidən Almaniyanın kansleri vəzifəsi üçün seçkilərdə iştirak etməyəcəyini açıqlayıb.

66 yaşlı Merkel 2015-ci ildən bu yana Almaniya kansleridir.