Ceff Bezos kosmosa gedir: Tarixi açıqladı

Qurucusu olduğu “Amazon”la yanaşı, kosmik turizm, proqram təminatı və mediada da aktiv fəaliyyət göstərən dünyanın ən varlı iş adamı Ceff Bezos kosmosa gedəcəyini açıqlayıb.

Teleqraf.com xəbər verir ki, səyahət Bezosun sahib olduğu kosmik turizm şirkəti “Blue Origin” kosmik gəmisi “New Shepard”la iyunun 20-də gerçəkləşəcək.

İş adamı qardaşı Mark Bezos və keçiriləcək lotereya yarışında qazanan şəxslə birlikdə kosmosa səyahət edəcəyini deyib.

“New Shepard”la həyata keçirilən ilk suborbital uçuş uğurlu olarsa, bu, özəl ticarət kosmik səyahətləri üçün yeni bir dövrün başlanğıcı olacaq.

Lakin Ceff Bezosun bu uçuşu onu dünyada ilk kosmik turist kimi tanıtmayacaq. İlk dəfə 30 noyabr 2001-ci ildə ABŞ-lı milyonçu Dennis Tito Rusiyanın kosmik gəmisi "Soyuz"la Beynəlxalq Kosmik Stansiyaya getmişdi. Bu səyahət sayəsində Tito "dünyanın ilk kosmik turisti" adını alıb.