İraqın baş nazirinə silahlı hücum - Özü açıqladı

İraqın baş naziri Mustafa Əl-Kazimi Bağdaddakı iqamətgahına minalanmış pilotsuz uçuş aparatının (PUA) hücumu nəticəsində xəsarət almadığını bildirib.

Teleqraf.com xəbər verir ki, bu barədə Əl-Kazımi öz Tvitter hesabında yazıb.

"Allaha şükür, mən yaxşıyam və xalqın arasındayam. İraq naminə hamını sakitliyə və təmkinli olmağa çağırıram", - deyə o bildirib.

Bundan əvvəl bəzi KİV-lər baş nazirin iqamətgahına hücum və nəticədə onun yaranlandığı barədə məlumat yayıb. İraq təhlükəsizlik qüvvələri məlumatı qismən təsdiqləyərək, Əl-Kazıminin Bağdaddakı "Yaşıl zona"da iqamətgahına minalanmış pilotsuz uçan aparat vasitəsiylə ilə sui-qəsd cəhdinin uğursuzluğa düçar olduğunu, baş nazirin xəsarət almadığını qeyd ediblər.