80 min kiloqramlıq hərbi yük Kiyevə çatdırıldı – ABŞ açıqladı

ABŞ Ukraynaya 80 min kiloqramlıq sursat göndərib.

Teleqraf.com xəbər verir ki, bu barədə ABŞ-ın Ukraynadakı səfirliyi məlumat yayıb.

Açıqlamada hərbi yük paytaxt Kiyevə çatdırıldığı bildirilib.

Bunun 60 milyon dollarlıq əlavə yardımın dördüncü hissəsi olduğu bildirilib. ABŞ-ın 2014-cü ildən bu yana Ukraynaya 2.5 milyard dollardan çox hərbi yardımı etdiyi qeyd olunub.

Birləşmiş Ştatlar bu il Ukraynaya 250 milyon dollar və əlavə olaraq 60 milyon dollar hərbi yardım göstərməyə razılıq verib.